Милли бәйрәмебез - Сабантуйлары узды диеп, тынычлап өйләрендә генә утырмый Югары Сон халкы: шаулатып- гөрләтеп урам бәйрәмнәре оештыралар. Бүген тәүге бәйрәмебез - кич утыруыбыз фольклор коллективыбызның тальянчысы - "йөрәге" Фәләхова Гүзәлия апабызның урамында башланып китте. Кичебез җыр-бию, кызыклы уеннар белән үрелеп барды.Ә рәхмәт йөзеннән шушы урам егетләре-кызлары көлгә күмелгән бәрәңге һәм самовар чәе белән сыйладылар. Шушындый кич утыруларны һәр атнаның җомгасында оештырырга сүз куешып, караңгылангач кына өйләргә таралыштык.