Бүген Олыяз мәдәният йортында Олыяз лицееның чыгарылыш сыйныф укучыларының "Соңгы кыңгырау" бәйрәме булды. Әлеге шатлыклы да, ямансу да бәйрәмдә бик күп җылы сүзләр, җырлар, шигырьләр, изге теләкләр яңгырады; балаларга грамоталар, бүләкләр тапшырылды. Балаларның әти-әниләре белән биегән вальсы,  сыйныф җитәкчеләренең укучыларына багышлап җырлаган җырлары, егет- кызларның биегән вальслары, бүләк ителгән чәчәк бәйләмнәре-бәйрәмгә ямь өстенә ямь өстәде. Балаларга имтиханнарын яхшы биреп,  теләгән уку йортларына керүләрен, дөрес юл сайлап максатларына ирешүләрен теләп калабыз.