Безнең  әби-бабайларыбыз, әти-әниләребез пионер булганнар, аларның  быргы кычкыртып, барабан  кагып сборларга  җыйналулары, металл ватыклары һәм маклатура  җыюлары  турында  һәрберебезнең  ишеткәне бар. Пионер-беренче дигән сүз, алар билгесезлеккә юл салучылар, курку  белми алдан  баручылар. Бу  ул  чорда яшь буынны тәрбияләүнең  иң мөһим чарасы, балаларны берләштерүче, хезмәткә, бердәмлеккә өндәүче, туган якны  яратырга, өлкәннәрне  хөрмәт  итәргә  өндәүче  оешма, тарихыбызның данлы бер  кыйпылчыгы булды. Иске Комазан  авылы мәдәният йортында  шул елларны  искә  алып "Пионерлы балачак-мәңге  истә калачак!"дигән  чара үткәрелде.