Ноябрьнең соңгы атнасында безнең әниләр көне билгеләп үтелде. Урта Сон мәдәният йортында 3 нче декабрь "Әнием-күз нурым" дигән исем астында зур бәйрәм концерты гөрләде. Бу концертыбызны әниләр көненә багышладык. Кадерледән-кадерле, газиз әнкәйләребезгә матур җырлар, дәртле биюләр, тирән мәгънәле шигырьләребезне бүләк итеп, аларның күңелләрен сөендергәнбездер дип уйлыйбыз. Җир йөзендәге барлык әниләр сау-сәламәт, гомерле булсыннар дигән изге теләктә калабыз.