24 июль көнне, Акман авылы клубында "Әкиятләр илендә"- дип аталган уен сәгате оештырылды. Бала өчен әкият- ул фантазия, уйдырма гына түгел, ул аның өчен чынбарлык. Әкиятләр аша балалар яхшылыкка, батырлыкка, кешелекле булырга, зирәклеккә, тапкырлыкка өйрәнәләр. Чарада катнашучылар башта викторина сорауларына җавап бирделәр, аннан Назмиева Розалина А.С.Пушкинның "Алтын әтәч турында әкият"ен укыды, башкалар аны игьтибар белән тыңладылар.Әлеге чараның максаты- балаларның фикерләү сәләтен үстерү, хәтерен ныгыту, дуслык, намуслылык, изгелек сыйфатларын тәрбияләү.