24 июль көнне Дүсмәт мәдәният йорты каршында балаларга музыкаль уеннар уйнатылды. Мондый уеннарны алар аеруча яратып уйныйлар, чөнки бу төр уеннарда һәммәсенә катнашырга мөмкинлек туа, хәрәкәтчәнлекләре арта. Урындыкка утырып калу, капкалы, парлашып калу уеннарын көйгә уйнау бигрәк тә кызыклы, күңелле, дәртле килеп чыга. Уеннар барышында җәза да үтәделәр балалар. Соңыннан аларга кечкенә генә бүләкләр тапшырылды.