Түбән Ушмы мәдәният йортында, төрле берләшмәләргә йөрүче балалар белән, җәйге очрашулар табигать кочагында оештырыла. Бу юлы без "Зират" чишмәсендә экологик сәяхәттә. Балалар белән кеше тормышына су чыганакларының әһәмияте, аларга сакчыл караш булдыру турында фикер алыштык. Зират чишмәсе турында авылыбызның өлкәннәре сөйләп калдырган төрле риваятьләрне искә төшердек. Очрашу файдалы һәм кызыклы узды.