1 июнь – Халыкара балаларны яклау көне. Балаларның киләчәге матур булсын өчен тыныч, имин тормыш, яраткан туган җир, гаилә җылысы, күңелле балачак кирәк. Кече Сон мәдәният хезмәткәрләре “Балачак бәйрәме” дип исемләнгән чара белән, спорт мәйданчыгында балаларны яклау көнен ачып җибәрдек. Бәйрәмебезне күрше авылдагы балалар Сабан туенда дәвам иттек. Җәйнең беренче көне менә шулай балалар күңеленә гүзәллеге, яктылыгы белән кереп калды.